Cristiano Ronaldo nuk ka qenë në formën më të mirë në fushë në këtë Europian. Po sikur të mos mjaftonte zhgënjimi në mënyrën sesi ka luajtur, për Portugalinë dhe vetë Ronaldon vjen një tjetër lajm i keq. Ronaldo është dëmtuar gjatë seancës së djeshme stërvitore.
Ylli madrilen ka ndjerë shqetësime të shpeshta në gjurin e majtë gjë që e ka detyruar Cristianon të heqë dorë nga stërvitja. I mërzitur dhe zhgënjyer njëkohësisht, ai është detyruar të ulet në pankinë duke e mbyllur para kohe stërvitjen.
Kjo do të ishte një humbje fatale për Portugalinë kur e ndan dhe vetëm një ditë nga gjysmëfinalja me Uellsin. Nëse dëmtimi është serioz, çka do të konfirmohet nga vizitat e sotme mjekësore Ronaldo do të duhet të mbarojë këtë aventurë para kohe.
