Mbrojtësi kryesor i Kombëtares Shqiptare ka shfaqur probleme fizike vetëm katër ditë përpara startit të Europianit për Shqipërinë. De Biasi ka vendosur ta lërë pushim qëndërmbrojtësin ditën e martë për shkak të një dëmtimi të lehtë që ai ka shfaqur. Por në stërvitjen e mëngjesit të sotëm Mavraj i është bashkuar grupit të futbollistëve të tjerë.
Njoftimin për rikthimin e Mavraj në stërvitje e ka bërë dhe Federata Shqiptare e Futbollit ku ka cilësuar se të gjithë lojtarët janë në gjendje të mirë fizike pavarësisht ndonjë shqetësimi të lehtë që ata kanë shfaqur. Gjatë ditës së sotme kombëtarja shqiptare ka të programuar vetëm një seancë stërvitore ndryshe nga dje që ajo kreu dy të tilla.
