Akuza nga Kosova: Futbollistët zgjedhin pashaportën shqiptare për të shmangur rradhët nëpër dogana

Trajneri i Përfaqësueses së Kosovës në futsall, Ramadan Cimili, ka folur për largimin e disa lojtarëve në ditët e fundit drejt Shqipërisë. Kosova nuk ka arritur të sigurojë kualifikimin, por që u paraqit mjaft mire në kualifikuese. “Futbollistët janë larguar për shkak të pasaportave dhe lëvizjes së lirë. Federata duhet të bëjë më shumë që t’i mbajë lojtarët”, ka thënë Cimili.

Në anën tjetër edhe dy lojtarë të Kosovës e pohuan të njëjtën gjë.  “Një nga arsyet kryesore është pasaporta. E dimë që të Kosovës kemi shumë probleme me pasaportë. Në çdo kufi ne është dashur të presim së paku 10-15 minuta, ndërsa ata ecin shpejtë”, kanë thënë për lajmi.net.