Aksidentohet autobusi i tifozëve të Kukësit, ishin nisur drejt Tiranës për sfidën ndaj Partizanit

Njëri prej autobusëve të tifozëve të Kukësit që ishin nisur drejt kryeqytetit për të parë takimit kundër Partizanit është aksidentuar në Milot.

Autobusi me të cilin udhëtonin tifozët kuksianë është përplasur me një kamion.

Nuk ka pasur të lënduar, ndërsa në vendgjarje ka shkuar menjëherë policia, pasi rruga është bllokuar, ndërsa autobusi i tifozëve të Kukësit ka pësuar dëmtime në pjesën e përparme.