12 ekipe shqiptare do marrin pjesë në Kupën e Shqipërisë në çiklizëm. Në datat 14 dhe 15 qershor 2021, ky aktivitet do zhvillohet në Qarkun e Korçës. Policia ka bërë me dije se në bazë të planit të masave, do bllokohen disa akse.
"Ditën e hënë, ora 17:00, aksin rrugor Pogradec-Korçë, i cili do të jetë i bllokuar në të dyja senset e lëvizjes. Ditën e martë, ora 10:00, aksin rrugor Korçë-Maliq-Plasë-Korçë, i cili do të jetë i bllokuar në të dyja senset e lëvizjes", njoftojnë Blutë në juglindje.
Njoftimi:
Drejtoria Vendore e Policisë Korçë.Shërbimet e Sektorit të Policisë Rrugore Korçë, plan masash për garantimin e mbarëvajtjes së garave çiklistike, duke bllokuar disa segmente rrugore.Në datat 14 dhe 15 qershor 2021, Federata Shqiptare e Çiklizmit në bashkëpunim me Ministrinë e Arsimit, Sportit dhe Rinisë dhe Bashkinë Korçë, do të organizojnë aktivitetin "Kupa e Shqipërisë", me pjesëmarrjen e 12 ekipeve shqiptare.
Në kuadër dhe mbështetje të këtij aktiviteti, strukturat e Drejtorisë Vendore të Policisë Korçë, do të marrin masa sigurie duke bllokuar akset rrugore si më poshtë:
Ditën e hënë, ora 17:00, aksin rrugor Pogradec-Korçë, i cili do të jetë i bllokuar në të dyja senset e lëvizjes.
Ditën e martë, ora 10:00, aksin rrugor Korçë-Maliq-Plasë-Korçë, i cili do të jetë i bllokuar në të dyja senset e lëvizjes.Policia e Korçës, kërkon mirëkuptimin e përdoruesëve të rrugës dhe shmangien e lëvizjeve të panevojshme me mjet prej tyre, në këto segmente rrugore deri në përfundimin e këtij aktiviteti sportiv. Duke ju falenderuar për mirëkuptimin.
Lexo gjithashtu
