Në seancën e sotme parlamentare, ministri i Ekonomisë dhe Financave Arben Ahmetaj dhe deputeti i Partisë Socialiste Erjon Braçe kanë replikuar në lidhje me disa pika të rendit të ditës në lidhje me futbollin shqiptar: si grumbullimi i të ardhurave nga tatimet nga shitja e të drejtës televizive, etj.
Ahmetaj deklaroi se formalizimi i klubeve të futbollit shqiptar është një çështje emergjente dhe ka folur dhe për ndërtimin e stadiumeve në Shqipëri.
"Stadiume në këtë vend janë ndërtuar vetëm në kohën e Enverit, që nga ajo ditë stadiume janë ndërtuar vetëm në mandatin e Rama 1 dhe vazhdojnë në Rama 2. Kjo e ndan këtë mazhorancë nga opozita e sotme në vëmendjen ndaj sportit. Futbolli dhe shumë sporte të tjera apo peshëngritje janë krenaria e Shqipërisë.
Kemi qenë ne të emocionuar kur ekipi Kombëtar bëri paraqitje spektakolare në Francë. Ishte kjo qeveri që menjëherë me fitoren e asaj dite i akordoi Kombëtares një pagesë 1 milion euro për të treguar vlerësimin. Vëmendja ndaj sportit është rritur ndjeshëm", u shpreh Ahmetaj.
Lexo gjithashtu
