Tirana do të luajë të hënën kundër Egnatias, ndeshje e vlefshme për javën e nëntë të Superiores. Bardheblutë do të synojnë të triumfojnë në një sfidë që do të zhvillohet në stadiumin “Selman Stërmasi”. Tifozët kryeqytetas priten të jenë të pranishëm, teksa në një njoftim në rrjetet sociale kanë lajmëruar prezencën e tyre.
“Të honën Tirona luan në Selman Stërmasi kundër Egnatias në orën 14:00! Fanatics do të jenë aty! Vetëm për emrin e modh të Tironës”, shkruhej në njoftimin e ultrasve bardheblu.
Kujtojmë që të enjten, Tirana luajti një tjetër ndeshje të rëndësishme kundër Partizani, përballje në të cilën u mposht me rezultatin 2-1. Ndaj rrogozhinasve do të synohet një rezultat pozitiv për të ndryshuar klimën brenda skuadrës pas humbjes në derbi.
Lexo gjithashtu
