Kukësi do të luajë për të katërtin sezon radhazi në Europa League, ndërsa ka nisur të ristrukturojë skuadrën në të gjitha detajet për të rivalizuar fort në këtë kompeticion, gjithashtu dhe në kampionatin e sezonit të ardhshëm. Për këtë arsye, drejtuesit dhe stafi teknik kanë rënë dakord që faza përgatitore të nisë të hënën, pra më 13 qershor, ku skuadra do të zhvendoset në Maribor të Sllovenisë.
Këto përgatitje vlerësohen si të një rëndësie të veçantë për stafin teknik, pasi lidhet direkt me përfaqësimin në Europa League. Kukësi do të njihet me kundërshtarin e parë më 20 qershor pas hedhjes së shortit në Nion të Zvicrës, ndërsa objektivi është faza në grupe. Kukësi ka qenë dy herë fare pranë kalimit në grupe, por që nuk ka ndodhur.
[caption id="attachment_898" align="alignright" width="400"]
Stafi teknik i Kukësit[/caption]
Merkato - Nga burime pranë klubit verilindor mësohet se në Maribor ekipit do t'i bashkangjiten dhe lojtare me potencial, të cilët janë piketuar nga stafi teknik kohë më parë dhe që pritet të bashkangjiten në stërvitjen e verilindorëve në ditët në vijim.
Miqësoret - Përveç përgatitjeve fizike, stafi teknik ka planifikuar edhe disa ndeshje miqësore, të cilat janë përcaktuar. Kundërshtarët e Kukësit gjatë qëndrimit në Maribor do të jenë ekipe me potencial si; NK Celje, NK Radomlje dhe gjeorgjianët e Samtredia. Ndeshja e parë do të luhet më 14 qershor, ndërsa 4 ditë më vonë do të luhet kundër gjeorgjianëve. Ndërkaq, më 22 qershor do të jetë testi i fundit kundër Radomlje.
Lexo gjithashtu
