Lindita Nikolla nuk do të jetë më Ministre e Arsimit, Rinisë dhe Sporteve. Kryeministri Edi Rama ka shkrirë e formatuar komplet qeverinë e tij në Asamblenë e PS-së. Jashtë çdo pritshtmërie shefi i kabinetit ka shkarkuar 7 ministra, ndër ta edhe Lindita Nikollën. Prej 5 vitesh pjesë e kabinetit qeveritar, ish-ministrja kishte në varësi edhe sportin.
Asnjë premtim i bërë nga Nikolla, nuk u vu në zbatim. Gjatë kësaj kohe, sporti në vendin tonë mbeti në “vend-numëro”. Pak progres ka njohur vetëm futbolli dhe ky falë mbështetjes së madhe të dhënë nga FIFA dhe UEFA. Tashmë vendin e ish ministres Nikolla do ta zërë Besa Shahini.
Loading ...
