Situata në klubin e Vllaznisë nuk është aspak e qetë. Si të mos mjaftonin hallet në fushën e blertë, sot 30 punonjës të stadiumit “Loro Boriçi” dhe “Reshit Rusi” kanë dalë në protestë për shkak të rrogave të pamarra. Sikurse raporton gazetari Senad Nikshiqi shkak është bërë fondi prej 200 milionë lekësh që është akorduar nga Këshilli Bashkiak i Shkodrës, por nuk është kaluar nga ana e prefekturës së qarkut Shkodër.
Ata kërkojnë zgjidhje nga institucionet përkatëse, ndryshe kanë paralajmëruar se do të përshkallëzojnë protestat duke bojkotuar tërësisht punën e tyre. Një situatë e pazakontë që vjen në këtë fazë të kampionatit, por që pritet të ndërhyjë menjëherë Bashkia e Shkodrës për zgjidhjen e saj.
Loading ...
