Joshua Zirkzee pritet të jetë një nga temat më të nxehta të merkatos së ardhshme verore. Ish-i i Bayern Munich që aktualisht aktivizohet me Bolognan në kampionatin italian, këtë sezon ka treguar vlera të mëdha.
Këto paraqitje nuk kishin si të kalonin pa rënë në sy të gjigantëve evropianë. Milani dhe Juventusi janë ekipet më të interesuara për të siguruar shërbimet e holandezit, por Bologna e ka të qartë shumën që kërkon për ta lënë sulmuesin të lirë.
Jo më pak se 40 milionë euro, ky është qëndrimi i klubit të Bolognas përsa i përket shitjes së Zirkzee. Kjo është pikërisht shuma që ka të drejtë të paguajnë edhe bavarezët nëse duan ta rikthejnë në ekip 22-vjeçarin.
Përsa i përket Zirkzee, sulmuesi holandez po shkëlqen këtë sezon me fanellën e Bolognas. I cilësuar si “bomber” këtë sezon, ai ia ka dalë që në 30 ndeshje të luajtura të shënojë 11 gola dhe të asistojë në 6 të tjerë.
[caption id="attachment_729944" align="alignnone" width="721"]
Joshua Zirkzee me fanellën e Bolognas[/caption]
Lexo gjithashtu
