Oto John është liruar nga burgu në Kosovë pas 3 muajsh. Më 6 maj të këtij viti policia e prangosi me dyshime se kishte fituar shërbime seksuale prej një viktime të trafikuar. Gjykata Themelore në Prishtinë vendosi më pas paraburgim 30 ditë, teksa e gjitha zgjati 3 muaj derisa u la i lirë.
Klubi i fundit me të cilin po luante ishte Prishtina, ndërsa kontrata me ata është përfunduar. Karriera e Oto John do vazhdojë po në Kosovë me klubin e Dukagjinit.
Kujtojmë se sulmuesi vetëm 24-vjeç u bë i famshëm te Skënderbeu, ndërsa në Kosovë ia ka dalë të fitojë 2 herë “Këpucën e Artë”, respektivisht gjatë sezoneve 2016/17 dhe 2017/18.
