Tirana do udhëtojë drejt Elbasanit të enjte, aty ku në 18:00 do përballet në derbin me Partizanin. Problemet me stadiumet në kryeqytet kanë bërë që derbi të zhvendoset edhe njëherë në "Elbasan Arena". Kampionët e Shqipërisë shkojnë në derbi me shijen e fitores në kampionat, teksa duket se Nevil Dede do rreshtojë një skemë 3-4-1-2.
Veç dëmtimeve të mëparshme që tanimë dihen, grupi bardheblu është i plotë. Dilemë është maja e sulmit, me trajnerin që pritet t'i besojë Taulant Seferit nga minuta e parë. Sulmuesi i Kombëtares debutoi për afro 30 minuta në sfidën me Kastriotin. Tjetër dilemë është edhe anësori i krahut të djathtë, teksa në balotazh janë Halili e Danso.
Formacioni i mundshëm:
Tirana: Bekaj, Toshevski, Najdovski, Hoxhallari, Ismajlgeci, Batha, Toli, Halili (Danso), Torassa, Muçi, Seferi (Sasraku)
Lexo gjithashtu
