Hapësire reklamuese

All - General - 1

Çështjet kryesore

ARKIVA

1 apo 2 pikë? Llogaritë e kualifikimit të KUQEZINJËVE në Euro 2024

Shkruar nga NEWSPORT
1 apo 2 pikë? Llogaritë e kualifikimit të KUQEZINJËVE

Të gjithë janë të bindur se kombëtarja e ka siguruar kualifikimin, madje Armand Duka pas ndeshjes theksoi se jemi me të dyja këmbët në Euro 2024 dhe ekipi do të nisë të bëjë gati “valixhet” për të shkuar në Gjermani vitin e ardhshëm. Skuadra jonë ka për të luajtur edhe dy sfida dhe të gjithë jemi me laps e letër në duar duke bërë llogaritë.

Sylvinho qëndroi me “këmbë në tokë” duke theksuar se pavarësisht kësaj fitoreje janë dhe dy “finale” për t’u luajtur dhe duhet shumë punë për të bërë. Në fakt pavarësisht të gjithave vetëm të ndodhë “hataja” dhe të mos jemi në Gjermani, pasi të gjithë skenarët e mundshëm çojnë kuqezinjtë në Euro 2024. Kjo do të ishte hera e dytë që kombëtarja do të prek një kompeticion të tillë.

Shqipëria është shumë afër kualifikimit në Euro 2024. Pas fitores 3-0 në “Air Albania” ndaj Çekisë, kuqezinjtë tashmë udhëheqin grupin me 13 pikë, 4 më shumë se ndjekësi më i afërt që është Polonia. Kombëtarja çeke nga ana tjetër ndodhet me 8 pikë, por ka një ndeshje më shumë për të zhvilluar në grupin E.

Polonia ndeshjen e radhës do e luajë me Moldavinë dhe një fitore e mundshme e polakëve do t’i çonte këto të fundit në kuotën e 12 pikëve dhe për kualifikimin do iu duhet edhe një 3 pikësh kundër Çekisë. Shqipëria në këtë rast është e kualifikuar edhe me 1 pikë.

Ndërkohë nga ana tjetër kombëtarja çeke do të sfidohet me Ishujt Faroe dhe një 3 pikësh ndaj tyre do të shkonin në kuotën e 11 pikëve. Gjithashtu një fitore e mundshme ndaj Polonisë, do të nxirrje automatikisht jashtë garës Lewandowskin. Një tjetër fitore ndaj Moldavisë do të kualifikonte çekët dhe kombëtares për kualifikimin do t’i duhej përsëri 1 pikë, pasi një tjetër kundërshtarë do të dilte jashtë gare.

Edhe nëse Moldavia bën surprizën ndaj polakëve sërish nuk do të ndryshonte gjë. Moldavia nëse fiton me Poloninë i duhet të fitojë patjetër edhe me Çekinë  për të shkuar në Europian, por nëse me çekët lë pikë, Moldavia edhe nëse fiton me Shqipërinë nuk  na kalon në renditje, pasi kombëtares kuqezi i duhet 1 pikë për kualifikimin.

Në këtë rast sërish kombëtarja shqiptare do të priste ndeshjet e nëntorit në vendin e parë. Kuqezinjtë do të sfidojnë Moldavinë në transfertë dhe presin më pas Ishujt Faroe në “Air Albania”, dhe do t’u mjaftonte 1 pikë për kualifikimin.

Një tjetër skenar është që kombëtarja të marrë minimumi dy pikë në dy sfidat e ardhshme dhe nuk do të interesohej më se çfarë bëjnë kundërshtarët. Ndërkohë një skenar tjetër do të kualifikonte kuqezinjtë nëse 3 kundërshtarët do të barazoheshin në duelet mes tyre. Në rast të këtij skenari atëherë Shqipëria është e kualifikuar që tani në Euro 2024.

Poll

Lexo gjithashtu

All - General - 2
All - General - 3
All - General - 4
All - General - 5
All - General - 6

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga