Butrint Bulliqi është lojtari më i ri i Prishtinës. Portieri ishte pjesë e Flamurtarit në Kosovë, ndërsa sezonin e ardhshëm do veshë fanellën bardhekaltër. Talenti 19- vjeçar është shprehur i gëzuar për aventurën e re, ndërsa shprehet se synimi kryesor i kryeqytetasve është titulli kampion.
Prishtina vijon me zyrtarizimet rresht, pas largimeve të shumta që erdhën brenda ditës. Kryeqytetasit me në krye Ismet Munishin po punojnë që sezonin i ri ta kthejë klubin në Europë, ku mungojnë këtë edicion. Madje lojtarët e ardhur këtë merkato përmendin dhe titullin kampion.
“Mirësevjen Butrint Bulliqi
“Gardiani” Butrint Bulliqi është lojtari më i ri i FC Prishtinës.
Bulliqi ka nënshkruar kontratë tre-vjeçare me klubin nga kryeqendra e Kosovës.
Butrinti është 19-vjeçar dhe vjen si përforcim nga skuadra e Flamurtarit.
Shtatlarti është zhvilluar si lojtar te Kosova e Prishtinës derisa më pas ka luajtur edhe me 2 Korrikun (grupmoshat e reja).
“Buti” ka qenë pjesë edhe e grupmoshave të reja të Përfaqësueses së Kosovës nga U-15 deri në U-19.
Ai shprehet i entuziazmuar që arriti të bëhet pjesë e Prishtinës.
Emocionet – Jam djalë i kryeqytetit dhe pjesë e Prishtinës jam që në vegjëli, por tani i’u bashkova ekipit edhe në fushën e blertë. Prishtina është klub i madh dhe të gjithë e dinë se është ndër klubet me histori të veçantë edhe në Ballkan. Ndjenja është e papërshkruar të jem pjesë e Prishtinës.
Kërkon trofe – Synimet me Prishtinën janë titulli kampion. Ky do të jetë vit i kthesës së madhe për klubin tim të zemrës.
Synimet personale – Me angazhim dhe punë, besoj se do të arrijë të fitoj vend në përbërjen bazë.
Premton maksimumin – Prishtinës dhe “Plisave” ju premtoj maksimumin. Ngjyrat “bardhekaltër” të motivojnë vetvetiu. Dua t’i citoj vargjet e “Plisave”: Lufta jonë kurrë nuk ndalet”, shkruan Prishtina në rrjetet sociale.
