Ishte përfolur prej ditësh, por vetëm sot ka ardhur “divorci” i Stivi Frashërit me Ballkanin. Është vetë portieri që përmes një postimi në rrjetet sociale, falënderon kampionët e Kosovës për mundësinë e dhënë.
“Gardiani” ka një dedikim special për drejtorin sportiv Nderim Nexhipi si dhe nuk harron të përmendë edhe tifozët suharekas. Në Instagramin e vet, Frashëri shkruante:
“U afrova si kampion dhe si i tillë po ju lë. Pas kaq shumë suksesesh në një kohë kaq të shkurtër vjen dita që duhet të hedh një hap dhe të provoj një aventurë të re! Falënderoj presidencën, në veçanti Nderim Nexhipin për mbështetjen dhe përkrahjen që më kanë dhënë gjatë këtyre dy viteve.
Falënderim i madh shkon edhe për Xhebrailat. Me keqardhje po lë pas vëllezër, miq dhe shokë shumë të mirë. Me zemër ju uroj suksese. Sa më lart në arenat ndërkombëtare dhe kudo!”
[caption id="attachment_696398" align="alignnone" width="1196"]
Postimi i Frasherit[/caption]
Lexo gjithashtu
