Feronikeli nuk pret hapjen e merkatos së janarit për të prezantuar goditjet e para në merkato. Ditën e djeshme, kampionët e Kosovës prezantuan dy goditjet e para, Simon Loshin dhe Kristi Kullaj, ndërsa sot kanë zyrtarizuar edhe dy futbollistët e tjerë.
Futbollisti nga akademia e FC Feronikelit, Ardi Qorri, do të nënshkruajë kontratë me ekipin e parë, që nga janari 2020.
Qorri ka kohë që po stërvitet me ekipën e parë dhe puna e tij e mirë në fushë u vërejt nga shtabi teknik të cilët kanë vendosur ta shpërblejnë me kontratë që e mban me ekipin e parë.
FC Feronikeli, përveç transferimeve të reja, synimin kryesor e ka nxjerrjen e futbollistëve të talentuar nga akademia dhe si politikë e klubit është avancimi i futbollistëve nga Juniorët te ekipi i parë, dhe synimi është qe 1 deri 2 futbollistë për çdo vit të kalojnë nga akademia në ekipin e parë.
Feronikelit i është bashkuar edhe futbollisti Medjon Hoxha (20), i ardhur nga Belgjika, ku ishe pjesë e ekipit KV Kortrijk, Hoxha gjithashtu është edhe pjesë e Kosovës U21.
Lexo gjithashtu
