Tashmë edhe zyrtarisht Daniele De Rossi është trajneri i Romës. Legjenda verdhekuqe është rikthyer te skuadra kryeqytetase këtë herë si trrajner.
Klubi nuk ka vonuar dhe ka zyrtarizuar De Rossin në krye të skuadrës. Palët kanë arritur marrëveshjen mes tyre dhe 40-vjeçari do t’i drejtojë në pjesën e dytë të sezonit.
“AS Roma ka kënaqësinë të njoftojë se Daniele De Rossi është emëruar si Menaxheri i ri Teknik i Ekipit të Parë deri më 30 qershor 2024.
Pas 18 vitesh si futbollist i verdhekuqve, De Rossi do të rikthehet në rolin e trajnerit dhe do të debutojë në pankinën tonë në ndeshjen e kampionatit kundër Veronës, pasditen e së shtunës, në “Olimpico”.
Jemi të lumtur që mund t’ia dorëzojmë përgjegjësinë teknike të AS Roma Daniele De Rossit, pasi besojmë se lidershipi dhe ambicia që e kanë karakterizuar gjithmonë mund të jenë vendimtarë në ndjekjen e objektivave që skuadra ka përpara deri në fund të sezonit”, thanë Dan dhe Ryan Friedkin.
Lexo gjithashtu
