Konfirmohet dënimi i Romelu Lukakut me sulmuesin belg që do të vazhdojë të jetë i skualifikuar për ndeshjen e kthimit të gjysmëfinales së Coppa Italia ndaj Juventusit. Në sfidën e parë, sulmuesi u sulmua verbalisht nga tifozët me thirrje raciste dhe më pas shënoi gol duke festuar në mënyrë provokative sipas arbitrit kryesor që e ndëshkoi me karton të kuq.  Interi e apeloi dënimin por Gjykata e Apelit ka lënë në fuqi vendimin e parë. “Gjykata Kombëtare e Apelit FIGC konfirmoi sot skualifikimin e Romelu Lukakut, i cili për këtë arsye nuk do të mund të marrë pjesë në gjysmëfinalen e Kupës së Italisë të mërkurën e ardhshme. FC Internazionale Milano ndjen se duhet të ritheksojë afërsinë dhe mbështetjen për lojtarin dhe shpreh keqardhje të madhe duke pranuar se viktima është bërë fajtori i vetëm”.-shkruan klubi zikaltër.

Comunicato ufficiale di FC Internazionale Milano https://t.co/6rBKcEjrUV pic.twitter.com/zwEtntfJqb

— Inter (@Inter) April 21, 2023