ZYRTARE/ MILANI merr lajm të madh para derbit me INTERIN, “Djalli” në kërkim të vrasjes së “mallkimit” ZIKALTËR

Trajneri i Milanit Gennaro Gattuso nuk do ta humbasë derbin e kësaj jave me Interin. “Rino” rrezikoi të pezullohej nga supersfida me “kushërinjtë” zikaltër pasi kaloi vijën anësore në sfidën e fundit ku kuqezinjtë fituan ndaj Chievos 2-1. Por ish-lojtari legjendar i Milanit nuk ka shpëtuar pa u ndëshkuar me gjobë. Ai duhet të paguajë 15 mijë €. Vendimi i mor sot nga Federata Italiane e Futbollit (FIGC).

“Derbi i Madoninas” që do të luhet për herë të dytë këtë sezon ditën e diel vjen më interesant dhe emocionues pasi dy ekipet e Milanos ndahen vetëm me një 1 pikë në renditjen e kampionatit italian. Këtë sezon, ato kanë mundësinë të marrin pjesë për sezonin e ardhshëm në Champions League.