Luzi 2008 ka rritur ‘xhirot’ me përgatitjet për sezonin e ri. Skuadra nisi fazën përgatitore me një grup të cunguar nën drejtimin e trajnerit Bledar Devolli ndërsa drejtuesit vijojnë punën për përforcimin e skuadrës.
Kavajasit kanë zyrtarizuar 4 afrimet e reja. I pari është Irglen Zaimaj i cili vjen nga Teuta U21 në formë huazimi për këtë sezon. 21-vjeçari luan në mbrojtje pork a një marrëdhënie mjaft të mirë me golin teksa ka shënuar plot 5 në kampionatin e fundit.
Një tjetër talent vjen kësaj rradhe nga Tirana U21. Stiven Meculi, sulmuesi i djathtë i bardhebluve ka firmosur kontratën e parë profesioniste me Luzin. Dy transferimet e tjera vijnë nga Nigeria me Itodo Mandela dhe Benjamin Akpan që u prezantuan nga presidenti Albert Lusha. Mandela ka shënuar edhe në miqësoret e zhvilluara.
Lexo gjithashtu
