Besart Berisha nuk është më futbollist i Prishtinës. Ish-sulmuesi i Kombëtares shqiptare që ka një të kaluar të gjatë në futbollin e Australisë, është larguar me marrëveshje me kampionët e Prishtinës.
I afruar në verë, Berisha largohet për arsye personale, teksa një gjë të tillë e konfirmon edhe Prishtina. Me vetëm tre paraqitje për bardheblutë, 36 vjeçari nuk e ka pasur eksperiencë të gjatë kthimin në atdhe.
Njoftimi:
FC Prishtina njofton opinionin se e ka ndërprerë me marrëveshje të dyanshme kontratën me sulmuesin Besart Berisha.
36-vjeçari iu bashkua Prishtinës në fillim të shtatorit të këtij viti dhe firmosi kontratë deri në fund të edicionit.
Ai me Prishtinën regjistroi vetëm tri paraqitje në Superligë.
Berisha pritet që të largohet nga Kosova andaj klubi e mirëkupton dhe i dëshiron shëndet dhe suksese.
Loading ...
