Kristi Vangjeli dhe Prishtina kanë ndarë rrugët. Janë kampionët e Kosovës që konfirmojnë largimin e mbrojtësit 36 vjeçar pas vetëm 4 muajve në futbollin kosovar.
Palët janë ndarë me marrëveshje, teksa nuk dihet nëse 36 vjeçari do “varë këpucët në gozhdë”. Pas “divorcit” me Berishën, nga Prishtina largohet edhe Vangjeli, ish-lojtari i Kombëtares dhe disa skuadrave të njohura në Shqipëri.
Njoftimi:
FC Prishtina dhe mbrojtësi Kristi Vangjeli e kanë ndërprerë kontratën me mirëkuptim. Vangjeli zbarkoi te Prishtina para fillimit të edicionit me ç'rast firmosi kontratë një-vjeçare, mirëpo me pajtimin e të dyja palëve u vendos që Vangjeli të largohet nga klubi më herët.Ish-futbollisti i Kombëtares së Shqipërisë dhe disa skuadrave evropiane, në dhjetë ndeshje në të gjitha garat regjistroi një asistim.Futbollistit 36-vjeçar FC Prishtina i dëshiron shëndet e suksese.
Lexo gjithashtu
