Juventus arriti të mbyllte ndeshjen e fundit në Seria A me fitore ku mposhti Udinese me shifrat 0-1. “Zonja e Vjetër” nuk shkoi më shumë se vendi i 7-të në renditjen përfundimtare, pas heqjes së 10-pikëve nga Gjykata e Apelit. Bardhezinjtë tashmë kanë hedhur sytë nga merkato për sezonin e ardhshëm ku do të luajnë në Conference League. Juventus ka bërë largimin e parë, bëhet fjalë për Leandro Paredes. Paredes që ishte huazuar nga Paris Saint-Germain në verë me të drejtë blerje, por bardhezinjtë nuk do ta përdorim opsionin e blerjes. Ka qenë vetë 28-vjeçari që e ka bërë të ditur lajmin nëpërmjet një postimi në Instagram. “Ka qenë një vit shumë i vështirë dhe më dhemb të mos arrijmë dot objektivat që kishim, por unë sjell me vete një grup të pabesueshëm lojtarësh dhe njerëzish. Thjesht doja të falënderoja tifozët që më kanë mbështetur gjithmonë gjatë gjithë vitit, por veçanërisht të gjithë nga shokët e mi. Unë do t'iu mbaj gjithmonë me vete”, ka shkruar Paredes.

 

View this post on Instagram

 

A post shared by Leandro Paredes (@leoparedes20)