Armando Rami është lojtari më i ri i Elbasanit. Është vetë klubi verdheblu që me anë të një postimi në rrjete sociale njofton publikun për arritjen e marrëveshjes me futbollistin. Një tjetër goditje për elbasanasit që blindojnë kështu krahun e majtë të mbrojtjes me një lojtar mjaft me eksperiencë edhe në Superiore.
25-vjeçaro vjen nga skuadra e Kastriotit me të cilët ka luajtur që nga janari i vitit 2019. Me krutanët ai zhvilloi 102 ndeshje duke shënuar 2 gola e dhuruar 5 asiste. Rami do të bashkohet me skuadrën kur të nisë faza përgatitore dhe do të vihet nën urdhërat e trajnerit Nevil Dede.
Elbasani vjen nga Kategoria e Dytë në të Parën por nuk kanë ndërmend të jenë thjeshtë “turistë” pasi duan rikthimin sa më parë në elitën e futbollit shqiptar dhe investimet kanë filluar për ta bërë këtë ëndërr një realitet.
Lexo gjithashtu
