Amir Rrahmani ka zgjedhur të zgjasë martesën me klubin e Napolit. Janë italianët që përmes një njoftimi në kanalin zyrtar bëjnë me dije se qendërmbrojtësi do të qëndrojë te kampionët deri në fund të sezonit 2027.
Gjithashtu ekziston opsioni edhe për rinovimin për një vit tjetër. Në njoftimin e bërë për mediet thuhej:
"Napoli është i kënaqur të njoftojë se Amir Rrahmani ka rënë dakord për një marrëveshje të re katërvjeçare deri më 30 qershor 2027. Marrëveshja përfshin një opsion që klubi të zgjasë kontratën për një sezon tjetër, deri më 30 qershor 2028", ka njoftuar kampioni italian në faqen zyrtare.
Rrahmani ishte pjesë e rëndësishme e Napolit gjatë këtij edicioni ku skuadra e fitoi titullin pas tri dekadave.
Poll
Lexo gjithashtu
