Tashmë është zyrtare, Stivian Janku është lojtari më i ri i Dinamos. “Blutë” janë një ndër ekipet më aktive në këtë merkato dimërore, ku së fundmi kanë prezantuar si lojtarin më të ri të tyrin, qendërmbrojtësin, Stivian Janku.
Lajmin e ka bërë të ditur vetë klubi kryeqytetas me anë të një postimi në faqen zyrtare ku përbri fotove të ish-it të Egnatias, shkruan:
“Stivian Janku është zyrtarisht pjesë e Fc Dinamo City.
26 vjeçari i cili pjesën e parë të sezonit ishte lojtar i skuadrës së Egnatias, ka firmosur në praninë e drejtorit Haris Fakiç, kontratën që e bën pjesë të familjes dinamovite në vazhdimësi.
Janku i cili më herët ka luajtur edhe për skuadrat e Partizanit, Luftëtarit dhe Bylis, luan në qendër të mbrojtjes dhe është një vlerë e shtuar për ekipin tonë. Mirësevjen Janku! Forca Dinamo!”.
Kujtojmë që Janku mbylli aventurën e tij tek Egnatia vetëm pas gjysmë sezoni, për shkak të minutave të paktë të marra tek ekipi rrogozhinas. Teksa më parë, 26-vjeçari është aktivizuar edhe me Delvinën, Partizanin, Luftëtarin dhe Bylisin.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
