Meriton Korenica është rikthyer te Ballkani, ndërsa vetë klubi suharekas e ka zyrtarizuar si “bombë” të merkatos. Rikthim i bujshëm në formë huazimi ky për kampionët e Kosovës, që shtojnë forcën e sulmit.
Kujtojmë se Korenica u shit te Manisa në Turqi për rreth 200 mijë euro. Operacioni që u krye me sukses në shtatorin e kaluar, mesa duket nuk ka kënaqur klubin turk.
Në Ligën e Parë të Turqisë mori minuta gjatë 10 ndeshjeve, por pa arritur të shënojë gol. Tregues ky që mund të ketë ndikuar te Manisa, në largimin e sulmuesit për pjesën e dytë të sezonit.
Nën drejtimin e Ilir Dajës, Korenica ishte mjaft i rëndësishëm. Kështu pritet të jetë sërish lojtar kyç për të ndihmuar Ballkanin në titullin e tretë rrjesht.
Poll
Lexo gjithashtu
