Emri i Zinedine Zidane është kthyer në modë te Juventus për sezonin e ardhshëm. Siç raporton “La Gazzetta dello Sport” në lidhje me trajnerin francez mbeten ende opsionet: PSG dhe Chelsea, me Galtier dhe Potter që janë në fije të perit me rezultatet e luhatshme që kanë arritur.
Por bardhezinjtë e Juventus janë një mundësi e mirë pasi Zidane ka luajtur si lojtar në Torino. Trajneri aktual i tyre Allegri ka një kontratë deri në vitin 2025, por është një kontratë e cila mund të prishet. “Zonja e vjetër” nuk jep garanci për një të ardhme në Champions League dhe as në Europa League nisur nga hetimet gjyqësore, por lidhja e Zizou me klubin mund të jetë më e fortë sesa pengesat. Zidane mund të firomosi me Juventus për një projekt katër vjeçar.
Poll
Lexo gjithashtu
