Chelsea në këtë merkato ka larguar shumë lojtarë duke u munduar të krijojë njëfarë revolucioni në ekip. Por lojtari më i diskutuar tek “Blutë e Londrës” ka qenë Romelu Lukaku.
Transferimi i tij drejt Interit dështoi pasi thuhet se belgu ka pasur bisedime dhe takime të fshehta me Juventusin. Por kjo nuk është e vetmja arsye që Chelsea nuk e shiti dot Lukakun tek klubi i Interit.
Balogun, talenti amerikan i Arsenal që sezonin e kaluar shkëlqeu në Ligue 1 franceze është ai që Interi e preferonte më shumë se Lukakun. Me një shifër transferimi prej 40 milionë eurosh, duket se ishte Interi ata që e lanë mënjanë Lukakun dhe jo e anasjellta.
Sulmuesi amerikan është një objektiv serioz për zikaltërit dhe së shpejti pritet të ketë bisedime midis Interit dhe “Topçinjve”.
Lexo gjithashtu
