Vllaznia dhe Flamurtari kanë të paktën një të përbashkët në këtë merkato. Të dyja skuadrat janë të interesuara për shërbimet e Hysen Memollës.
Mbrojtësi i Egnatias ka vuajtur për hapësira në gjysmën e parë të sezonit dhe largimi duket çështje kohe. 31-vjeçari dukej më afër shkodranëve, por çdo gjë mund të marrë kthesë.
Kjo pasi dhe te Flamurtari po punojnë për afrimin e një mbrojtësi pasi ndërprenë bashkëpunimin me Eni Imamin. Mbetet për t’u parë cila do jetë zgjedhja e Memollës, pasi dhe Sinan Idrizi ka treguar me Bathën që nuk kursehet për afrimin e lojtarëve.
Kujtojmë se Memolla ka kontratë deri në fundin e vitit 2025, megjithatë klubi që mban aktualisht vendin e parë në renditje mund të pranojë ndërprerjen e kontratës. Kjo për të pasur më shumë hapësira te mbrojtësit e tjerë.
Lexo gjithashtu
