Milan ia ka dalë të fitojë ndaj Salernitanas takimin e javës së 16-të të Serie A, me sfidë që u mbyll me shifrat 2-1 në favor të kuqezinjve. Djemtë e Stefano Piolit do të gjenin rrugën e rrjetës në minutën e 10-të, ku Rafel Leao i asistuar nga Tonali do të mposhte portierin e Salernitanas.
Vetëm 5 minuta më pas do të ishte Tonali për të dyfishuar shifrat dhe për të çuar Milan në avantazh të dyfishtë në 45-minutat e para.
Pjesa e dytë do të ishte gjithashtu e luftuar, me kuqezinjtë që shënojnë golin e 3-të me Diaz në minutën e 58-të por goli do të anulohej nga gjyqtari kryesorë për pozicion jashtë loje. Skuadra vendase rikthhet në lojë në minutën e 83-të ku do të ngushtonte shifrat në 2-1, pasi Bonazzoli do të gjente rrugën e rrjetës.
Minutat e mbetura nuk do të prodhonin më gola të tjerë me sfidën që do të mbyllej 2-1 për Milan që vazhdon të jetë në ndjekje të Napolit kryesues në Serie A me -5 pikë më pak.
Lexo gjithashtu
