Rubin Hebaj është shfaqur protagonist në Arabinë Saudite me ekipin e tij Al Orubah. Skuadra e shqiptarit luajti në shtëpi përballë Jeddah, në kuadër të javës së 27-të të ligës së parë arabe, por u mposht 1-2. Megjithatë, shkodrani ishte autori i golit të vetëm për të tijët. Pas një topi të marrë nga krahu i majtë, duke përfituar edhe nga gabimi i mbrojtjes kundërshtare, 25-vjeçari nuk e kishte aspak të vështirë të dërgonte topin në rrjetë, në minutën e 9-të të sfidës. Por ky gol nuk mjaftoi, pasi ekipi i tij u përmbys. Ndërsa për Hebajn, ky është goli i tretë në kampionat, me shkodranin që ka luajtur në shumë pak ndeshje këtë sezon.

 

View this post on Instagram

 

A post shared by نادي العروبة السعودي (@alorobah_fc)