Kjo javë e Champions është një kaos i vërtetë. Tifozët e Milan dhe PSG-së nuk ishin të vetmit që u përplasën para ndeshjes, por edhe ato të Portos dhe Antwerp.
Por jo gjithçka mbaron me kaq, pasi në mesnatë të tjerë tifozë kanë shkaktuar një kaos të vërtetë në Napoli. Mbështetësit e Union berlin, skuadër që do të sfidohet me Napolin në “Diego Armando Maradona” janë përplasur me policinë vendase.
Rreth 3 mijë tifozë gjermanë u vendosën në qendër të qytetit, ndërsa menjëherë nisën edhe trazirat e para. Kja bëri që policia të ndërhynte, por acaroi tifozët, të cilët më pas ishin të papërmbajtshëm ndaj forcave të rendit.
Sipas mediave italiane bëhet me dije se nëse një situatë e tillë përkeqësohet në orët në vazhdim, me shumë gjasa tifozëve gjermanë do t’iu ndalohet hyrja në stadium për të parë ndeshjen. Mbetet të shihet deri para sfidës se çfarë do të ndodhë me miqtë.
Lexo gjithashtu
