VIDEO/ Nga ngritja e trofeut në “Air Albania” te dëmtimi dhe finalja e Budapestit, Marash KUMBULLA ka një mesazh për ROMËN
Shkruar nga NEWSPORT
Roma do të luajë ditën e nesërme finalen e Europa League me Sevillan në Budapest. Një ndeshje ku skuadra e Jose Mourinhos do të synojë të ngrijë lart trofeun e dytë rresht europian.
Marash Kumbulla vazhdon të jetë i dëmtuar dhe për “fatin” e tij të keq nuk do të mund të japë kontribut në këtë sfidë, por mbrojtësi i kombëtares është gjithmonë afër skuadrës.
Nëpërmjet një video të postuar në rrjetet sociale, Kumbulla ka rikujtuar të gjitha momentet e Romës gjatë një viti. Nga ngritja e trofeut të Conference League në “Air Albania” e deri tek dëmtimi i tij.
“Nuk do të jeni kurrë vetëm. Në Budapest për ju dhe për të gjithë ne. Forca Roma”, janë fjalët e përzgjedhura nga lojtari kuqezi.