Ndeshja mes Kukësit dhe Partizanit, luajtur më 16 dhjetor, solli dhe njëherë pamjet e shëmtuara të ndërprerjes së ndeshjeve në futbollin shqiptar. Gjithçka precipitoi në stadiumin “Kukës Arena”, për një penallti të dhënë në favor të Partizanit.
Dënimet për këtë rast janë të ndryshme, ndërsa Komisioni i Disiplinës dhe Etikës do vendosë javën e ardhshme. Kukësi rrezikon nga disa ndeshje pa tifozë, luajtja e ndeshjeve në fushë neutrale dhe gjobë.
Çfarë ndodhi para se të shkohej te këto episode? Po luheshin sekondat e fundit të shtesës së dhënë, ndërsa Partizani po ekzekutonte një goditje dënimi. Portieri i Kukësit, Tafas, u përplas në ajër me sulmuesin e Partizanit Mensah.
Arbitri i ndeshjes Klodian Shahin e konsideroi të rregullt, para se të konsultohej me VAR. Pas rishikimit, Shahini e gjykoi penallti dhe aty nisi gjithçka.
Kronometrohej minuta e 97’ dhe teksa Murataj po bëhej gati të godiste penalltinë, disa tifozë pushtuan fushën e lojës. 4 minuta iu deshën policisë dhe forcave të sigurisë për të bërë të mundur rifillimin e ndeshjes.
Valentino Murataj e humbi penalltinë në minutën e 111’, kur dhe u mbyll i gjithë takimi. Barazim 1 me 1, që i dha të dyja ekipeve nga një pikë në javën e 17 të Superiores. Partizani pozicionohet i dyti me 32 pikë, ndërsa Kukësii teti me 18.
Pamjet e momentit, kur ndeshja u ndalua: (VIDEO)
Lexo gjithashtu
