Spezia 2-0 Milan (Wisniewski 75′, Esposito 85′)
Serie A
Java 35
Stadiumi: Alberto Picco
Milani do të përballet sot në orën 18:00 me Spezian në transfertë ku do të tentojë me çdo kusht 3 pikët për të shpresuar ende për një vend në zonën Champions. Ky objektiv është jetik për kuqezinjtë pasi në të kundërt, merkato pritet të jetë e vakët.
Formacionet Zyrtare:
Spezia (4-3-3): Dragowski; Amian, Ampadu, Wisniewski, Nikolaou; Esposito, Ekdal, Bourabia; Reca, Nzola, Gyasi. Trajnër: Leonardo Semplici
Milan (4-2-3-1): Maignan; Kalulu, Kjaer, Tomori, Hernandez; Tonali, Pobega; Saelemaekers, Díaz, Rebic; Origi. Trajner: Stefano Pioli
Rastet e ndeshjes:
90+6′ Mbyllet ndesha.
85′ Spezia shënon të dytin me një supergol nga faulli, Esposito mposht Maignan.
75′ Shtanget Milani, Spezia ndëshkon kuqezinjtë 15 minuta nga fundi, Wisniewski tund rrjetën mes rrëmujës në zonë.
68′ Nzola avancon në zonë dhe godet drejt portës por Maignan ndal sulmuesin e Spezias.
52′ Pretendim për penallti nga Milani, Brahim Diaz shtyhet në zonë por për arbitrin s’ka faull dhe e ndëshkon për protesta.
46′ Nis pjesa e dytë.
45′ Mbyllet pjesa e parë.
24′ Rrezikon Milani, Tonali pason me thembër për Rebic në hyrje të zonës por goditja e kroatit bllokohet nga mbrojtja. Është Theo pastaj që lëshon një predhë me të parën por portieri largon në këndore.
20′ Skemë Tonali – Theo nga krahu i majtë, mbrojtësi hedh një top në zonë që nuk largohet mirë nga mbrojtja dhe Saelemaekers godet me të parën fluturmithi por topi shkon ngjitur me shtyllën me Kjaer që nuk arrin në kohë ta devijojë në rrjetë.
16′ Pretendim për penallti nga Spezia, Pobega devijon topin në zonë por VAR i jep të drejtë mesfushorit milanist.
1′ Nis ndeshja.
