Lazio ka arritur të fitojë me rezultatin 4-0 kundër Milanit, ndeshje e vlefshme për javën e 19-të të Seria A. Skuadra e Sarrit ka shkëlqyer kundër kampionëve të Italisë duke mos diskutuar në asnjë moment triumfin. Si në 45 minutat e para, ashtu edhe pjesa e dytë foli plotësisht në favor të Lazios. Në minutën e 67-të Luis Alberto trefishoi rezultatin përmes një penalltie. Në të 75-tën, Felipe Anderson shënoi golin e katërt duke shtangur kuqezinjtë. Pas kësaj ndeshje, Lazio ngjitet në kuotën e 37 pikëve në vendin e tretë, 1 pikë pas Milanit. Në këtë mënyrë, ekipi i Hysajt parakalon Interin duke u ngjitur në të tretin.
Pjesa e parë
Janë mbyllur 45 minutat e para mes Lazios dhe Milanit, të vlefshme për javën e 19-të të Seria A. Skuadra e Elseid Hysaj ka triumfuar me rezultatin 2-0 në këtë pjesë të parë duke bërë që kuqezinjtë të duken inekzistentë. Ndeshja u zhbllokua shumë shpejt.
Në minutën e 4-të, Milinkoviç Saviç shfrytëzon mirë asistin e Zaçagni duke realizuar golin e parë. Edhe pse kuqezinjtë u përpoqën të reagonin, ishte sërish Lazio që shënoi me Zaçagni në minutën e 38-të.
Kujtojmë që nga minuta e parë e ka nisur dhe Elsi Hysaj si mbrojtës i djathtë. Tashmë të dy ekipet i janë drejtuar dhomave të zhveshjes për të rinisur pas 15 minutash.
Lexo gjithashtu
