Kombëtarja shqiptare ka zbritur ditën e sotme në fushën e Shtëpisë së Futbollit pranë FSHF-së për të kryer seancën e dytë stërvitore, në kuadër të dy miqësoreve të marsit. Shqipëria do të përballet me Kilin më 22 mars dhe Suedinë më datë 25 po të këtij muaj.
Por në këtë seancë stërvitore, Kombëtarja është ‘surprizuar’ nga prezenca e disa tifozëve. Disa tifozë të tifogrupit “Illyrian Elite” janë futur ambientet ku lojtarët e Kombëtares po kryenin stërvitje, pasi debatuan për pak kohë me forcat e sigurimit, por më pas u dakordësuan që të jenë prezent për disa minuta.
Anëtarë të këtij tifogrupi kanë ndezur mjete piroteknike dhe kanë shpalosur banderolën me mbishkrimin “Ku janë biletat tona?”. “Illyrian Elite” në këtë mënyrë ka përfituar nga rasti për të kërkuar bileta për ndeshjet që Shqipëria do të zhvillojë në Euro 2024, përballë Italisë, Kroacisë dhe Spanjës.
Lexo gjithashtu
