Inter ka fituar përballë Udineses në ndeshjen e vlefshme për javën e 15-të të Serie A. Ndeshja e zhvilluar në stadiumin “San Siro”, përfundoi me rezultatin 4-0 në favor të vendasve.
Goli i parë u shënua nga Calhanoglu me penallti në minutën e 37’, pas konsultimit të rastit me VAR. Goli i dytë erdhi në minutën e 42’ nga Dimarco, por asgjë nuk kishte mbaruar. Vetëm 2 minuta më vonë, Thuram shënoi dhe të tretin. Me fillimin e pjesës së dytë ritmi i lojës ra dhe Interi po menaxhonte rezultatin. Por nuk mund të mungonte as Lautaro Martinez në listën e golashënuesve. Kapiteni i Interit shënoi golin e katërt për të tijët në minutën e 84'.
Në këtë sfidë, minuta kishte edhe për mesfushorin shqiptar Kristjan Asllani. Ky i fundit u aktivizua në minutën e 71’ dhe luajti deri në fundin e ndeshjes.
Me këtë fitore Interi rimerr kreun e renditjes dhe shkon në kuotën e 38 pikëve, ndërsa Udinese mbetet në vendin e 16-të me 12 pikë të grumbulluara.
Goli i parë (VIDEO)
Goli i dytë (VIDEO)
Goli i tretë (VIDEO)
Goli i katërt (VIDEO)
Lexo gjithashtu
