Edon Hasani është padyshim një nga lojtarët më të rëndësishëm të Kastriotit. Mesfushori i njohur është pikë referimi për krutanët, të cilët po luftojnë këtë edicion për të qëndruar në Superiore.
Në një postim të bërë në Instagramin e vet, Hasani shfaqet mjaft i motivuar për ndeshjen e radhës ndaj Tiranës. Megjithatë disa ditë para kësaj përballjeje, Hasani ka marrë një ftesë nga një tifozët bardheblu për t'iu bashkuar kampionëve të Shqipërisë. "Hajde te Tirona vitin që vjen o danoç". Komentit të tifozit, mesfushori i ka reaguar me një pëlqim.
Pritet të shihet nëse në merkaton e verës mund të ketë surpriza. Ndërkohë ndeshja Tirana - Kastrioti është programuar të zhvillohet të dielën, në orën 15:00 dhe pritet me mjaft interes nga gjithë sportdashësit.
Lexo gjithashtu
