Sassuolo-Torino 3-3
Është mbyllur në barazim 3-3 sfida e javës së 5-të të Serie A mes Sassuolos dhe Torinos. Një ndeshje mjaft emocionuese që ka prodhuar 6 gola dhe një fund dramatik. Torino shënoi golin e parë të ndeshjes në pjesën e parë me Linetin pas asistit të Vojvodës.
Në pjesën e dytë Sassuolo barazon me Djuricic që shënon një supergol me thembër. Torino shton presionin dhe gjen dy gola për 3 minuta me Belottin dhe Lukic.
Kur dukej se ndeshja po shkonte drejt mbylljes Sassuolo rikuperon gjithçka duke shënuar dy gola për një minutë me Chirches në të 84-të dhe Caputo 85-të që vulosën ndeshjen në 3-3. Me këtë barazim Sassuolo shkon në kuotën e 11 pikëve, ndërsa Torino ka marrë pikën e parë për këtë sezon.
Loading ...
