Gytis Paulaskas po kalon një formë fantastike në nivelin personal. Bomberi i Egnatias shënoi golin e parë në fitoren 4-0 të rrogozhinasve ndaj Kukësit dhe më pas u nis në grumbullim me Kombëtaren e tij, Lituaninë, për dy ndeshjet kualifikuese të Euro 2024 ndaj Malit të Zi dhe Sërbisë. Sulmuesi 23-vjeçar ka bërë detyrën duke shënuar në ndeshjen e parë me malazezët në barazimin 2-2 ndërsa ndëshkoi edhe serbët mbrëmjen e djeshme, por pa arritur t’i jepte pikë ekipit të tij që u mposht me rezultatin 1-3. Pas përfundimit të detyrës Kombëtare, Paulaskas do të kthehet në Shqipëri për t’iu bashkuar Egnatias në përgatitjet për ndeshjen me Erzenin, pasnesër në orën 16:00.

 

View this post on Instagram

 

A post shared by LIETUVOS FUTBOLO NAMAI ⚽️ (@ltfutbolas)