Partizani do të presë Vllazninë, ditën e diel ora 18:00 në stadiumin “Air Albania”. Të kuqtë i kanë mjaft të rëndësishme 2 takimet e radhës, pasi i luajnë me 2 kundërshtarët që ndodhen sipër tyre në renditje. E para ndaj Vllaznisë dhe e dyta përballë Egnatias.
Me Vllazninë mungesë e sigurtë është ajo e Tedi Carës, që u ndëshkua me karton të kuq ndaj Laçit. Në anën tjetër janë 7 lojtarë, që rrezikojnë të mungojnë përballë Egnatias, nëse ndëshkohen me karton të verdhë lëtë të diel.
Bëhet fjalë për Atanaskoskin, Sotën, Hadrojin, Rrapajn, Mensah, Bintsouka dhe Mba. Emra me peshë në skuadrën e Partizanit, që duhet të mendojë si të marrë maksimumin. Kujtojmë se fitorja mungon prej 2 ndeshjesh. E parafundit u humb ndaj Teutës 1 me 0 dhe e fundit kundër Laçit përfundoi barazim 1 me 1.
Lexo gjithashtu
