
Laçi pret Tiranën të dielën në orën 13:30, sfidë e vlefshme për javën e 16 të Superiores. Një ndeshje mjaft e luftuar do jetë ajo mes dy skuadrave, që vijnë nga mungesa e fitoreve. Bardheblutë nuk fitojnë prej 2 takimesh, teksa Laçi numëron 7 ndeshje pa fitore.
Bardhezinjtë e Josës kanë humbur rrugën e rrjetës, pasi kanë shënuar vetëm 1 gol në këto 7 takime. Tri pikë të grumbulluara gjatë këtyre javëve janë shumë pak për Laçin, që mban vendin e 8 me 16 pikë. Po kaq numëron dhe Kukësi i vendit të 7 dhe Erzeni në vend të 9.
Gara është e ndezur në Superiore. Kujtojmë se Tirana vjen pas barazimit me Partizani 1-1 dhe aktualisht ndodhet e treta me 22 pikë.
Poll