Giovanni De Biasi ka kujtuar natën e parë, kur ka fjetur në Shqipëri te një hotel në qendër të Tiranës. Trajneri italian kujton me buzëqeshje në rrëfimin për Top Channel se atëherë vendosi karrigen prapa derës së dhomës, që të ishte i qetë me veten.
“Më kujtohet nata e parë që do të më duhej të flija në një hotel në qendër të Tiranës, vendosa karrigen prapa derës së dhomës. Sot i kujtoj këto gjëra dhe më vjen për të qeshur, por 12 vite më parë kur erdha në atë kohë e ndjeja se duhet të veproja ashtu që të isha më i qetë me veten”, u shpreh De Biasi për frikën e krijuar asokohe në fillim.
Kujtojmë se De Biasi mori drejtimin e Kombëtares shqiptare në vitin 2011, ndërsa qëndroi 6 vite. Kualifikimi i Shqipërisë në Europianin e vitit 2016 ishte dhe arritja historike, që kujtohet me nostalgji sot e kësaj dite.
Lexo gjithashtu
