Emiljano Mihana do të jetë futbollisti i ri i Tiranës. Është vetë klubi që bën të ditur lajmin me një njoftim në faqen zyrtare. Mihana vjen nga akademia aty ku shkëlqeu me moshat U17 & U19 edhe pse në një moshë shumë të re, vetëm 16 vjeç.
Sulmuesi i talentuar firmosu kontratën e parë profesioniste dhe do të jetë një forcë më shumë në repartin ofensiv këtë sezon. Mihana ka marrë pjesë edhe në fazën përgatitore ku fitoi disa minuta dhe bindi stafin teknik me në krye trajnerin Shkëmbi.
-NJOFTIMI I KLUBIT-
Klubi i Futbollit Tirana njofton se talenti Emiljano Mihana i cili vjen nga radhët e Akademisë së Futbollit Tirana, është përzgjedhur nga stafi teknik për të qenë në skuadrën e parë!
Sulmuesi 16-vjeçar u afrua sezonin e shkuar në Akademinë bardh’ e blu, duke u kthyer në një nga lojtarët më të spikatur. Pas vetëm 1 sezoni me të rinjtë e Akademisë Tirana, Mihana arrin të bindë dhe tashmë do të provojë veten me ekipin e parë.
Klubi i uron Mihanës suksese dhe sa më shumë paraqitje dinjitoze me fanellën bardh’ e blu!
Lexo gjithashtu
