Dinamo nuk ia doli të merrte një rezultat pozitiv në ndeshjen e parë të Superiores duke u mposhtur nga Egnatia 0-2 në Elbasan. Në fund të sfidës, trajneri Dritan Mehmeti tha fjalën e tij për RTSH Sport.
“Jam i kënaqur për mënyrën sesi e kërkuam fitoren, duhet patur parasysh vlerat e Egnatias. Kemi 19 ditë që nuk bëjmë ndeshje zyrtare. Ishte ndeshja e parë e kampionatit dhe na qëlloi me kampionen. Duhet të ishim të kujdesshëm sidomos te penalltia. Bëmë gabime në vendosje pasi deri në ato moment ishim të barabartë. Mungoi agresiviteti pas golit të parë. Ndikojnë edhe shqetësimet e disa lojtarëve. Goli i dytë na uli besimin te vetja.
Bregu bën diferencën dhe më vjen keq që nuk luajti. Lojtari ka bërë kontratë para 2 javësh dhe shpresoja ta kisha në skuadër, por nuk kam gjë në dorë. Duhet të ishim treguar më profesionist që ai të luante sot. Do isha shumë i kënaqur nëse do të kisha Bregun, Itodo e 2-3 lojtarë të tjerë në fazën përgatitore. Duhen edhe 2-3 elementë të tjerë që bëjnë diferencën pasi kampionati është i gjatë dhe do të luftojmë në të dyja fronet”, tha Mehmeti.
Lexo gjithashtu
