Rijad Kobiljar shumë shpejt do të jetë futbollisti më i ri i Tiranës. Bardheblutë dhe mesfushoir kanë arritur mes tyre marrëveshjen për transferimin në kryeqytetet për pjesën e mbetur të sezonit.
29-vjeçari kështu do të përforcojë mesfushën e kryeqytetasve, teksa në orët në vazhdim pritet vetqm zyrtarizimi i këtij transferimi. Një përforcim shumë i rëndësishëm që vjen vetëm pak ditë para derbit të madhe të kryeqytetit kundër Partizanit.
Lojtari nga Bosnje – Hercegovina ka një karrierë, ku ka luajtur për disa ekipe në vendin e tij, ndërkohë ka luajtur edhe për disa skuadra jashtë Bosnje – Hercegovinës. Aventura e tij e fundit ishte në Turqi te skuadra e Sakaryaspor.
Siç dihet Tirana do të sfidojë Partizanin në “Air Albania”, me derbin që është programuar të zhvillohet ditën e shtunë në orën 19:30 dhe që është i vlefshëm për javën e 24-të të kampionatit. Ndërkohë për këtë sezon është derbi i 3-të mes tyre në Superiore.
Lexo gjithashtu
