Bekim Balaj është një nga futbollistët më të mirë që luan në Superiore. Sulmuesi shkodran është një lider te Vllaznia, ku mban shiritin e kapitenit, duke udhëhequr kuqeblutë në këtë sezon.
Por duket se ekipi që drejtohet nga Thomas Brdaric duket i varuar prej Balajt. Kjo pasi ky i fundit prej 2 muajsh nuk po arrin të gjejë rrugën e rrjetës. Saktësisht goli i fundit i shënuar është më 31 janar të këtij viti, ndërsa mungon prej disa sfidash.
Mjafton të shikojmë rezultatet e shkodranëve në javët e fundit, ku dukshëm nuk kanë vazhdimësinë në kampionat, duke humbur paksa terren nga vendi i parë.
Por pavarësisht kësaj 34-vjeçari vazhdon të kryesojë listën e golashënuesve të kampionatit, Shkodrani udhëheq me 14 gola, teksa pas tij vijnë Itodo Mandela i Dinamos dhe Regi Lushkja i Egnatias me nga 12 gola.
Lexo gjithashtu
